சிறப்பாக பணியாற்றிய தூய்மை பணியாளர்களுக்கு பரிசு

நாமக்கல் மாவட்டம் குமாரபாளையம் நகராட்சியில் 33 வார்டுகள் உள்ளன. இவைகளில் தினமும் காலை மற்றும் மாலை வேளைகளில் தூய்மை பணியாளர்கள் சுத்தம் செய்து வருகிறார்கள். இவர்களில் சிறந்த முறையில் பணியாற்றிய பணியாளர்களை கவுரவப்படுத்தும் விழா நகராட்சி தலைவர் விஜய்கண்ணன், ஆணையாளர் குமரன் தலைமையில் நடந்தது. இதில் சிறந்த தூய்மை பணியாளர்களுக்கு பொன்னாடை அணிவிக்கப்பட்டு, பரிசுகள் வழங்கி, ஆணையாளர் பாராட்டினார். தூய்மை பணியாளர்களுக்கு நடந்த இரண்டாம் கட்ட மருத்துவ முகாமில் ரத்த பரிசோதனை, சிறுநீர் பரிசோதனை,  ஈ.சி.ஜி., கண் பரிசோதனை,,சர்க்கரை நோய் பரிசோதனை, கர்ப்பப் பை, பவை புற்று நோய்,உள்ளிட்ட பல பரிசோதனைகள் நடத்தப்பட்டன. மருந்து, மாத்திரைகள் இலவசமாக வழங்கப்பட்டன. இதில் பொறியாளர் ராஜேந்திரன், சுகாதார அலுவலர் ராமமூர்த்தி, சுகாதார ஆய்வாளர் சந்தானகிருஷ்ணன், துப்புரவு பணி மேற்பார்வையாளர்கள், உள்பட பலர் பங்கேற்றனர்.ஏலந்தகுட்டை ஆரம்ப சுகாதார நிலைய மருத்துவ குழுவினர் பங்கேற்று சிகிச்சை வழங்கினர்.