முன்னாள் அமைச்சர் சரோஜா மற்றும் அவரது கணவர் சாட்டையடி வாங்கி நேர்த்திக்கடன்.

நாமக்கல் மாவட்டம் ராசிபுரத்தில் மிகவும் பிரசித்தி பெற்ற நித்திய சுமங்கலி மாரியம்மன் கோவில் உள்ளது.இந்த நிலையில் வருடம் தோறும் ஐப்பசி மாதம் திருவிழா நடைபெறுவது வழக்கம் ஐப்பசி 5ம் நாள் பூச்சாட்டுதலுடன் திருவிழாவானது தொடங்கியது. தினம்தோறும் பல்வேறு வாகனங்களில் அம்மன் திருவீதி உலா வந்த நிலையில் பூவோடு எடுக்கும் நிகழ்வானது நடைபெற்றது.பூசாரி கையில் பூச்சட்டியை வைத்துக்கொண்டு கோவிலை சுற்றி வலம் வந்த போது பக்தர்கள் தாங்கள் வைத்திருந்த நாணயங்களை பூச்சட்டியில் போட்டு வழிபட்டனர்.விழாவின் முக்கிய நிகழ்வான சாட்டையடி நிகழ்வானது நடைபெற்றது.இதில் சுற்று வட்டார பகுதியில் இருந்த திரளான பக்தர்கள் கலந்து கொண்டு சாட்டையடி வாங்கி நேர்த்திக்கடன் செலுத்தினர்.விழாவில் அதிமுக முன்னாள் அமைச்சர் சரோஜா மற்றும் அவரது கணவர் ஆகிய இருவரும் சாட்டையடி நிகழ்வில் கலந்துகொண்டு சாட்டையடி வாங்கி நேர்த்திக்கடன் செலுத்தினார்.இருவரும் ஆலயத்தில் உள்ள நித்திய சுமங்கலி மாரியம்மனை தரிசனம் செய்தனர்.