தமிழ்நாடு தொடக்கப்பள்ளி ஆசிரியர் மன்ற ஆசிரியர்கள் ஆர்ப்பாட்டம்..

நாமக்கல் மாவட்டம் ராசிபுரம் அடுத்த சீராப்பள்ளி வட்டார கல்வி அலுவலகம் முன்பு 16ஆம்ச கோரிக்கைகளை நிறைவேத்திட வலியுறுத்தி தமிழ்நாடு தொடக்கப்பள்ளி ஆசிரியர் மன்றம் சார்பில் ஆர்ப்பாட்டமானது நடைபெற்றது. ஆர்ப்பாட்டத்தில் 20க்கு மேற்பட்ட ஆசிரியர்கள் கலந்து கொண்டு 16அம்ச கோரிக்கைகளை வலியுறுத்தி கோஷங்கள் எழுப்பி வட்டார கல்வி அலுவலகம் முன்பு கண்டன ஆர்ப்பாட்டத்தில் ஈடுபட்டனர். ஆர்ப்பாட்டத்தில் ஓய்வு பெறும் ஆசிரியர்களுக்கு 3 மாதத்திற்கு முன்பே கருத்துக்கள் அனுப்பி ஓய்வு பெறும் நாளில் அனைத்து பண பலன்களை நிறைவு செய்ய வேண்டும் எனவும்,ஆசிரியர் கூட்டுறவு சிக்கன நாணய கடன் சங்க விண்ணப்பங்களை உடனுக்குடன் ஊதியச் சான்று இட்டு வழங்கிட வேண்டும் எனவும், நாமகிரிப்பேட்டை ஒன்றிய வட்டார கல்வி அலுவலகத்தில் பெருகிவரும் லஞ்ச செயல்களை தடுத்து நிறுத்திட வேண்டும் என பல்வேறு கோரிக்கைகளை முன்னிறுத்தி ஆசிரியர்கள் ஆர்ப்பாட்டத்தில் ஈடுபட்டனர்..