வேப்பம்பாளையம் அருகே ஜேசிபி டூவீலர் நேருக்கு நேர் மோதல். பெண் மற்றும் ஆண் படுகாயம்.

வேப்பம்பாளையம் அருகே ஜேசிபி டூவீலர் நேருக்கு நேர் மோதல். பெண் மற்றும் ஆண் படுகாயம். திருப்பூர் மாவட்டம், வெள்ளகோவில் பகுதியைச் சேர்ந்தவர் செந்தில் குமார் வயது 40. இவர் நவம்பர் 12ஆம் தேதி காலை 11.30 மணி அளவில், கரூர் - கோவை சாலையில் வேப்பம்பாளையம் அருகே உள்ள சரவணா மெஸ் அருகே சென்று கொண்டிருந்தார் அவரது டூவீலரில். இவருக்கு பின்னால் கரூர் மாவட்டம், மண்மங்கலம் தாலுக்கா,தாளப்பட்டி, காந்தி நகரை சேர்ந்த ரவி மனைவி பானுமதி வயது 43 என்பவர் மற்றொரு டூவீலரில் சென்று கொண்டிருந்தார். அப்போது எதிர் திசையில் கரூர் மாவட்டம், கிருஷ்ணராயபுரம் தாலுக்கா, மேட்டு மகாதானபுரம், குடித்தெருவைச் சேர்ந்த பழனிவேல் வயது 39 என்பவர் வேகமாக ஓட்டி வந்த ஜேசிபி வாகனம் செந்தில் குமார் ஓட்டி சென்ற டூவீலர் மீது மோதி விபத்து ஏற்பட்டது. இதன் காரணமாக செந்தில்குமார் ஓட்டி வந்த டூ வீலர் பானுமதி டூவீலர் மீது மோதியது. இந்த விபத்தில் செந்தில்குமார் மற்றும் பானுமதிக்கு படுகாயம் ஏற்பட்டது. உடனடியாக இருவரையும் மீட்டு தனியார் ஆம்புலன்ஸ் மூலம் கரூரில் உள்ள நாச்சிமுத்து மருத்துவமனையில் சிகிச்சைக்காக அனுமதித்தனர். சம்பவம் தொடர்பாக பானுமதி அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக ஜேசிபி வாகனத்தை வேகமாகவும், அஜாக்கிரதையாகவும் ஓட்டி விபத்து ஏற்படுத்திய பழனிவேல் மீது வழக்கு பதிவு செய்துள்ளனர் கரூர் மாநகர காவல் துறையினர்.