தடா கோவில் அருகே டூவீலர் மீது கார் மோதி விபத்து. கணவன் மனைவி படுகாயம்.

தடா கோவில் அருகே டூவீலர் மீது கார் மோதி விபத்து. கணவன் மனைவி படுகாயம். கரூர் மாவட்டம், அரவக்குறிச்சி தாலுகா, நாகம்பள்ளி, கிழக்கு தெருவை சேர்ந்தவர் மூர்த்தி வயது 56. இவரது மனைவி நதியா வயது 42. இவர்கள் இருவரும் நவம்பர் 10ஆம் தேதி காலை 6:30 மணி அளவில்,கரூர் - திண்டுக்கல் சாலையில் அவரது டூவீலரில் சென்று கொண்டு இருந்தனர். இவரது வாகனம் தடா கோவில் அருகே நாகம்பள்ளி பிரிவு சாலை அருகே வந்தபோது, அதே திசையில், அரவக்குறிச்சி புது தெருவை சேர்ந்த நிசார் அகமது வயது 24 என்ற இளைஞர் வேகமாக ஓட்டி வந்த கார், மூர்த்தி ஓட்டிச் சென்ற டூவீலரின் பின்னால் மோதி விபத்து ஏற்பட்டது. இந்த விபத்தில் டூவீலருடன் கீழே விழுந்ததில் கணவன்- மனைவி இருவருக்கும் பலத்த காயம் ஏற்பட்டதால், உடனடியாக இருவரையும் மீட்டு தனியார் ஆம்புலன்ஸ் மூலம் கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இச்சம்பவம் தொடர்பாக மூர்த்தி அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், காரை வேகமாகவும், அஜாக்கிரதையாகவும் ஓட்டி,விபத்து ஏற்படுத்திய நிசார் அகமது மீது வழக்கு பதிவு செய்துள்ளனர் அரவக்குறிச்சி காவல்துறையினர்.