ரங்கநாதபுரம் அருகே நடந்து சாலையை கடக்க முயன்ற முதியவர் மீது அடையாளம் தெரியாத வாகனம் மோதி விபத்து.

ரங்கநாதபுரம் அருகே நடந்து சாலையை கடக்க முயன்ற முதியவர் மீது அடையாளம் தெரியாத வாகனம் மோதி விபத்து. தேனி மாவட்டம், போடிநாயக்கனூர், வினோபாஜி காலனி, 8-வது தெருவை சேர்ந்தவர் முத்தையா வயது 60. இவர் டிசம்பர் 26 ஆம் தேதி நள்ளிரவு 2:15- மணி அளவில், கரூர் மாவட்டம், க.பரமத்தியிலிருந்து ரெங்கநாதபுரம் செல்லும் சாலையில் நடந்த சென்று கொண்டிருந்தார். இவர் ரங்கநாதபுரம் பகுதியில் செயல்படும் ஹெச்பி பெட்ரோல் பங்க் எதிரே சாலையை கடக்க நடந்து சென்றுள்ளார். அப்போது, அதே சாலையில் வேகமாக வந்த அடையாளம் தெரியாத வாகனம் ஒன்று, நடந்து சென்ற முத்தையா மீது மோதி விட்டு நிற்காமல் மின்னல் வேகத்தில் சென்று விட்டது. இந்த விபத்தில் நிலை தடுமாறி கீழே விழுந்த முத்தையாவுக்கு வலது இடுப்பு எலும்பில் பலத்த காயம் ஏற்பட்டது. உடனடியாக அவரை மீட்டு, கரூரில் உள்ள அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இச்சம்பவம் அறிந்த முத்தையாவின் மகன் தினேஷ் வயது 24 என்பவர் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், இது தொடர்பாக வழக்கு பதிவு செய்து, மோதிவிட்டு நிற்காமல் சென்ற அந்த வாகனம் எது? அந்த வாகனத்தின் ஓட்டுனர் யார்? என்ற கோணத்தில் வழக்கு பதிவு செய்து விசாரணை மேற்கொண்டு வருகின்றனர் க. பரமத்தி காவல்துறையினர்.