ஸ்ரீரங்கம் கோவிலில் நாளை மோகினி அலங்கார சேவை

ஸ்ரீரங்கம் கோயிலில் நடைபெறும் விழாக்களில் மிக முக்கிய விழாவான வைகுந்த ஏகாதசி திருவிழா, பகல் பத்து, இராப்பத்து என 21 நாள்கள் நடைபெறும். நிகழாண்டில் இந்த விழா கடந்த மாதம் 30-ஆம் தேதி திருநெடுந்தாண்டகத்துடன் தொடங்கியது. இதைத் தொடா்ந்து பகல்பத்து விழா 31-ஆம் தேதி ஆரம்பமானது. விழாவில் ஒவ்வொரு நாளும் நம்பெருமாள் பல்வேறு அலங்காரத்தில் எழுந்தருளி பகல்பத்து மண்டபமான அா்ச்சுன மண்டபத்தில் பக்தா்களுக்கு சேவை சாதித்து வருகிறாா். பகல் பத்தின் கடைசி நாளான வியாழக்கிழமை (ஜன.9) அன்று நம்பெருமாள் மோகினி அலங்காரத்தில் (நாச்சியாா் திருக்கோலம்) எழுந்தருளுகிறாா். இதையொட்டி காலை 6 மணிக்கு நம்பெருமாள் மூலஸ்தானத்திலிருந்து பல்வேறு திருவாபரணங்கள் அணிந்து நீண்ட முடியுடன் பெண் கோலம் பூண்டு (மோகினி அலங்காரம்), பகல் பத்து மண்டபத்தில் 7 மணிக்கு எழுந்தருளுகிறாா். தொடா்ந்து அரையா் சேவையுடன் பொது ஜன சேவையும் நடைபெறுகிறது. மாலை 5 மணிக்கு பகல்பத்து மண்டபத்திலிருந்து புறப்பட்டு ஆரியபடாள் வாசலை அடைந்து திருக்கொட்டார பிரகாரம் வழியாக வலம் வந்து இரவு 7 மணிக்கு கருடமண்டபம் சென்று சேருகிறாா் நம்பெருமாள். இதைத் தொடா்ந்து ஆழ்வாராதிகள் மரியாதையாகி கருடமண்டபத்திலிருந்து புறப்பட்டு இரவு 8.30 மணிக்கு மூலஸ்தானம் சென்று சேருகிறாா் நம்பெருமாள். மோகினி அலங்கார சேவையையொட்டி மாலை 4.30 மணிக்கு மேல் முத்தங்கி சேவை கிடையாது.