சாலையை கடக்க முயன்ற போது மோட்டார் சைக்கிள் மோதி பெண் பலி

தென்காசி மாவட்டம் சங்கரன்கோவில் அருகே உள்ள ஊத்துமலை பகுதியைச் சேர்ந்தவர் மாடத்தியம்மன் (வயது 75). சம்பவத்தன்று இவர் அதே பகுதியில் உள்ள சாலையை நடந்து சென்று கடக்க முயன்றார். அப்போது ஊத்துமலையே நோக்கி சென்ற மோட்டார் சைக்கிள் மாடத்தியம்மாள் மீது மோதியது. இந்த விபத்தில் படுகாயமடைந்த மாடத்தியம்மாள் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்ததும் ஊத்துமலை போலீசார் விரைந்து வந்து மாடத்தியம்மாள் உடலை கைப்பற்றி சங்கரன்கோவில் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த விபத்து குறித்து ஊத்துமலை போலீசார் வழக்குப்பதிவு செய்து விசாரணை நடத்தி வருகின்றனர்.