குமரி மாவட்டம் படந்தாலுமூட்டில் வேல்டு ஷோட்டோ கான் கராத்தே பயிற்சி மையம் செயல்பட்டு வருகிறது. இந்த மைய நிறுவனர் வில்சன் என்பவருக்கு 1988-ம் ஆண்டு முதல் கறுப்பு பட்டை வழங்கப்பட்டது. தொடர்ந்து கராத்தேயில் 9 கறுப்பு பட்டைகள் பெற்ற இவருக்கு தற்போது ரெட் பெல்ட் என்ற 10- வது பிளாக் பெல்ட் வழங்கப்பட்டது. ஜப்பான் நாட்டை சார்ந்த வேல்டு ஷோட்டோ கான் நிறுவன தலைவர் ஷோக் அமத், அல் ஷிகானி, துருக்கி நாட்டை சார்ந்த வேல்டு ஷோட்டோ கான் நிறுவன தலைவர் ஷேக் கேமல் ஷிஹானி, உள்ளிட்டோர் மாஸ்டர் வில்சனுக்கு ரெட் பெல்ட் என்ற 10- வது கறுப்பு பட்டை வழங்கினார்கள் நிகழ்ச்சியில் படந்தாலு மூடு சேக்ரட் ஹார்ட் மெட்ரிக் மேல்நிலைப் பள்ளி தாளாளர் அருட்பணியாளர் தோமஸ் சத்தியநேசன் தலைமை வகித்தார். நிகழ்ச்சியில் விளவங்கோடு சட்டமன்ற தொகுதி எம்.எல்.ஏ தாரகை கத்பட், மாஸ்டர்கள், கராத்தே பயிற்சி பெறும் ஐந்நூறுக்கும் அதிகமான மாணவர்கள் கலந்து கொண்டனர்.