திருமண்டலத் தேர்தல் நடவடிக்கைகள் நிறுத்தி வைப்பு: பேராயர் அறிவிப்பு

தூத்துக்குடி - நாசரேத் திருமண்டலத்தின் தேர்தல் நடவடிக்கைகள் நிறுத்தி வைக்கப்பட்டுள்ளதாக பொறுப்பு பேராயர் ஐசக் வரபிரசாத் அறிவித்துள்ளார். இதுதொடர்பாக அவர் வெளியிட்டுள்ள அறிக்கையில், "தூத்துக்குடி நாசரேத் மறைமாவட்டத் தேர்தல்கள் தொடர்பான மதிப்பீட்டாளரின் உத்தரவு நிறுத்தி வைக்கப்படும் என்று சென்னை உயர்நீதிமன்றம் உத்தரவிட்டுள்ளது.  இந்த தீர்ப்பு எதிரொலியாக தென்னிந்திய திருச்சபையின் மாடரேட்டர் டாக்டர் கே. ரூபன் மார்க் தந்திரிகாரு, வழிகாட்டுதலை வழங்கியுள்ளார். அதன்படி தூத்துக்குடி நாசரேத் மறை மாவட்டத்தைப் பொறுத்தவரை 2024-2027 ஆம் ஆண்டுக்கான மூன்று ஆண்டுகளுக்கான தேர்தல்கள் 07.09.2025 அன்று தொடங்கி அதன் பிறகு நடத்தப்படும் தேர்தல்கள், இந்த விஷயத்தில் அடுத்த நடவடிக்கை/வழிகாட்டுதல் வரும் வரை நிறுத்தி வைக்கப்படும்". எனவே, சம்பந்தப்பட்ட போதகர் அலுவலகத் தலைவர்கள் உடனடியாக உங்கள் அனைத்து தேவாலயங்களிலும் இதைத் தெரிவித்து அறிவிக்குமாறு கேட்டுக் கொள்ளப்படுகிறார்கள் என்று தெரிவித்துள்ளார்.