மாநில அளவிலான அடைவுத்திறன் தேர்வு-2025 (SLAS) ஆய்வுக்கூட்டம்

பள்ளிக் கல்வித்துறை அமைச்சர் அன்பில் மகேஸ் பொய்யாமொழி தலைமையில் திண்டுக்கல் முத்தனம்பட்டி பி.எஸ்.என்.ஏ பொறியியல் கல்லூரியில் பள்ளிக் கல்வித்துறையின் சார்பில் பள்ளி மாணவ, மாணவிகளுக்கு நலத்திட்ட உதவிகள் வழங்குதல் மற்றும் பள்ளித் தலைமை ஆசிரியர்களுக்கான மாநில அளவிலான அடைவுத்திறன் தேர்வு-2025 (SLAS) ஆய்வுக்கூட்டம் நடைபெற்றது. இந்த ஆய்வுக்கூட்டத்தில், மாவட்ட ஆட்சித் தலைவர் சரவணன், பழனி சட்டமன்ற உறுப்பினர் செந்தில்குமார் அகியோர் முன்னிலை வகித்தனர். இந்நிகழ்ச்சியில் பள்ளிக் கல்வித்துறை அமைச்சர் அன்பில் மகேஸ் பொய்யாமொழி அவர்கள் பேசியதாவது:- இந்நிகழ்ச்சியில், 2023-24 கல்வியாண்டிற்கான காமராசர் விருதுக்கு தேர்வு செய்யப்பட்ட 10-ஆம் வகுப்பு படிக்கும் 15 மாணவர்களுக்கு தலா ரூ.10,000/-க்கான காசோலை மற்றும் சான்றிதழும், பன்னிரெண்டாம் வகுப்பு படிக்கும் 15 மாணவர்களுக்கு தலா ரூ.20,000/-க்கான காசோலை மற்றும் சான்றிதழும், விபத்தில் பெற்றோர்களை இழந்த 51 மாணவர்களுக்கு தலா ரூ.75,000 வைப்பீடு தொகைக்கான பத்திரங்களையும் பள்ளிக் கல்வித்துறை அமைச்சர் அன்பில் மகேஸ் பொய்யாமொழி வழங்கினார்.