காங்கேயத்தில் பொக்லைன் எந்திரத்தில் 4 பேட்டரிகளை திருடியவர் கைது

காங்கேயம் தாராபுரம் சாலையில் சக்தி நகரை சேர்ந்தவர் லோகநாதன் (வயது 31) இவர் சொந்தமாக பொக்லைன் எந்திரங்களை வைத்து தொழில் செய்து வருகிறார். இந்த நிலையில் கடந்த 3ம் தேதி இரவு 8 மணி அளவில் பொக்லைன் எந்திரங்களை சக்தி நகரில் மரக்கடை அருகே நிறுத்தி வைத்துவிட்டு திருமண நிகழ்விற்கு சென்று விட்டு கடந்த 12ஆம் தேதி மீண்டும் வந்து பார்த்தபோது 4 பொக்லைன் எந்திரங்களில் இருந்து 4 பேட்டரிகள் திருடப்பட்டு இருந்ததை கண்டு அதிர்ச்சி அடைந்தார். இதை அடுத்து காங்கேயம் காவல் நிலையத்தில் புகார் அளித்தார். புகாரின் பேரில் காவல்துறையினர் வழக்கு பதிவு செய்து விசாரணை நடத்தியதில் கரூர் மாவட்டம் காந்திநகரைச் சேர்ந்த முகமது இப்ராகிம் (41) என்பவர் ரூ 36000 ஆயிரம் மதிப்புள்ள 4 பேட்டரிகளை திருடியது தெரிய வந்தது. இதனை அடுத்து காங்கேயம் காவல்துறை முகமது இப்ராஹிம் கைது செய்து நீதிமன்றத்தில் ஆஜர் படுத்தி சிறையில் அடைத்தனர்.