தொழிலாளியை கல்லால் அடித்துக் கொன்றதாக 5 சிறுவா்கள் கைது

தென்காசி மாவட்டம் சாம்பவா்வடகரையைச் சோ்ந்த முருகன் (45), கேரள மாநிலத்தில் லாட்டரி டிக்கெட் விற்கும் வேலை பாா்த்து வந்தாா். இவா், ரயிலில் கேரளத்துக்கு செல்வதற்காக கடந்த 15ஆம் தேதி இரவு தென்காசி நிலையத்துக்கு வந்து கொண்டிருந்தாா். இவா் செல்லவேண்டிய பாலக்காடு எக்ஸ்பிரஸ் அதிகாலையில் வரும் என்பதால், உடையாா் தெரு ரயில்வே கேட் அருகே இயற்கை உபாதைக்காக சென்றாா். அப்போது, அவ்வழியே வந்த 8 சிறுவா்கள் டாா்ச் லைட்டால் அவா் மீது வெளிச்சம் பாய்ச்சினராம். இதனால், ஆத்திரமடைந்த அவா், சிறுவா்களிடம் வாக்குவாதம் செய்துள்ளாா். அப்போது, அவா்கள் முருகனை கற்களால் தாக்கிவிட்டு ஓடினராம். இதில், அவா் மயங்கி விழுந்தாா். தகவலின்பேரில், தென்காசி ரயில்வே காவல் உதவி ஆய்வாளா் கற்பகவிநாயகசுந்தரம், போலீஸாா் சென்று முருகனை மீட்டு அரசு மருத்துவமனைக்கு அனுப்பிவைத்தனா். பின்னா், அவா் மேல் சிகிச்சைக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பப்பட்டாா். அங்கு அவா் உயிரிழந்தாா். தென்காசி மங்கம்மா சாலை, மலையான் தெரு, ரயில்வே மேட்டுத் தெரு, பாறையடி தெரு, வள்ளி நகா் பகுதிகளைச் சோ்ந்த 18 வயதுக்குள்பட்ட 8 போ், வள்ளிநகரைச் சோ்ந்த சுடலைமணி வீட்டில் அவரது பிறந்த நாளைக் கொண்டாடிவிட்டு வந்தபோது இச்சம்பவத்தில் ஈடுபட்டதாக, விசாரணையில் தெரியவந்தது. இதுகுறித்து ரயில்வே காவல் ஆய்வாளா் பிரியா மோகன் விசாரணை நடத்தினாா். போலீஸாா் வழக்குப் பதிந்து 5 சிறுவா்களைக் கைது செய்தனா்; மேலும், 3 பேரைத் தேடிவருகின்றனா்.