பரமத்தி வேலூரில் ரூ.9.55 லட்சத்துக்கு கொப்பரை ஏலம்.

பரமத்தி வேலூர், டிச.5:  பரமத்தி வேலூர் சுற்றுவட்டாரப் பகுதிகளான சோழசிராமணி, ஜேடர்பாளையம், அய்யம்பாளையம், பிலிக்கல்பாளையம், அண்ணாநகர், பாண்டமங்கலம், கபிலர்மலை, இருக்கூர், பரமத்தி, பாலப்பட்டி மற்றும் கரூர் மாவட்டம், வேலாயுதம்பாளையம் உள்ளிட்ட பல்வேறு பகுதிகளில் விளையும் தேங்காய்களை உடைத்து, அதை உலர்த்தி வியாழக்கிழமைதோறும் வெங்கமேட்டில் உள்ள பொத்தனூர் மின்னணு தேசிய வேளாண்மை சந்தைக்கு விவசாயிகள் கொண்டுவருகின்றனர்.  இங்கு தரத்திற்கு ஏற்ப மறைமுக ஏலம் விடப்படுகிறது. கடந்த வாரம் வியாழக்கிழமை நடைபெற்ற ஏலத்திற்கு 4 ஆயிரத்து 896 கிலோ கொப்பரையை விவசாயிகள் கொண்டுவந்திருந்தனர். இதில் அதிகபட்சமாக கிலோ ரூ. 215க்கும், குறைந்தபட்சமாக கிலோ ரூ. 198.29க்கும், சராசரியாக ரூ. 212-க்கும் விற்பனையானது. இரண்டாம் தர கொப்பரை அதிகபட்சமாக கிலோ ரூ. 196.89க்கும், குறைந்தபட்சமாக கிலோ ரூ. 147.19க்கும், சராசரியாக கிலோ ரூ. 171.99க்கும் ஏலம் போனது. மொத்தம் ரூ. 9 லட்சத்து 87 ஆயிரத்து 474க்கு கொப்பரை ஏலம் போனது. வியாழக்கிழமை நடைபெற்ற ஏலத்திற்கு 4 ஆயிரத்து 830 கிலோ கொப்பரையை விவசாயிகள் கொண்டுவந்திருந்தனர். இதில் அதிகபட்சமாக கிலோ ரூ. 215.91-க்கும், குறைந்தபட்சமாக கிலோ ரூ.197.89க்கும், சராசரியாக கிலோ ரூ.212.10க்கும் ஏலம் போனது. இரண்டாம் தர கொப்பரை அதிகபட்சமாக கிலோ ரூ.188.99க்கும், குறைந்தபட்சமாக கிலோ ரூ.145.10க்கும், சராசரியாக கிலோ ரூ.170.69க்கும் ஏலம் போனது. மொத்தம் ரூ.9 லட்சத்து 55 ஆயிரத்து 808க்கு கொப்பரை ஏலம் போனது.