பொது தேர்வில் 100% தேர்ச்சி - தலைமை ஆசிரியர்களுக்கு மேயர் பாராட்டு
மதுரை மாநகராட்சி பள்ளிகளில் கடந்த பொதுத்தேர்வில் 100 சதவீதம் தேர்ச்சி பெற்று தந்த பள்ளி தலைமை ஆசிரியர்கள் தமிழ்நாடு முதலமைச்சரிடம் பாராட்டு சான்றிதழ் பெற்றனர். இதையடுத்து அவர்கள் அறிஞர் அண்ணா மாளிகையில் மேயர் இந்திராணி பொன்வசந்தை சந்தித்து வாழ்த்துக்கள் பெற்றனர்.
தலைமையாசிரியர்களுடன் மேயர் இந்திராணி பொன்வசந்த்
2023-24 ஆம் ஆண்டு மதுரை மாநகராட்சி பள்ளிகளில் 10 ஆம் வகுப்பு மற்றும் 12 ஆம் வகுப்பில் 100 சதவீதம் தேர்ச்சி பெற்று தந்த நாவலர் சோமசுந்தர பாரதியார் மாநகராட்சி மேல்நிலைப்பள்ளி, கம்பர் மாநகராட்சி மேல்நிலைப்பள்ளி, பாரதிதாசனார் மாநகராட்சி மேல்நிலைப்பள்ளி, முனிச்சாலை மாநகராட்சி உயர்நிலைப்பள்ளி, என்.எம்.எஸ்.எம். மாநகராட்சி உயர்நிலைப்பள்ளி, திருவள்ளுவர் மாநகராட்சி உயர்நிலைப்பள்ளி, பாரதியார் மாநகராட்சி உயர்நிலைப்பள்ளி, கம்பர் மாநகராட்சி மேல்நிலைப்பள்ளி ஆகிய எட்டு பள்ளி தலைமை ஆசிரியர்கள் தமிழ்நாடு முதலமைச்சரிடம் 14.06.2024 அன்று பாராட்டுச்சான்றிதழ் பெற்றனர். பாராட்டுச்சான்றிதழ் பெற்ற தலைமை ஆசிரியர்கள் மதுரை மாநகராட்சி மேயர் இந்திராணி பொன்வசந்தை நேரில் சந்தித்து வாழ்த்துகளை பெற்றனர். இந்நிகழ்வில் கல்விக்குழுத் தலைவர் .ரவிச்சந்திரன், கல்வி அலுவலர் .ரகுபதி, கண்காணிப்பாளர் .ரமேஷ், பள்ளி தலைமை ஆசிரியர்கள் கலந்து கொண்டனர்.