வீட்டிலிருந்த ரூபாய் 1.70 லட்சம் மாயம் - போலீஸ் விசாரணை !

கன்னியாகுமரி மாவட்டம் குளச்சல் அருகே கள்ளிடைப்பு என்ற பகுதியை சேர்ந்தவர் கார்லூஸ் (63). இவர் நில புரோக்கர். இவருக்கு இன்னும் திருமணம் ஆகவில்லை வீட்டில் தனியாக வசித்து வந்தார். இவரது வீடு பழைய ஓடு வேய்ந்த கூரை வீடு ஆகும். இவர் தனது தொழில் மூலம் கிடைத்த பணத்தை தேர்தல் பறக்கும் படைக்கு பயந்து வீட்டில் வரும் பேக்கில் வைத்திருந்தார் என கூறப்படுகிறது.  இந்த வகையில் நேற்று மதியம் அவர் செலவுக்கு பணம் எடுக்க பையை திறக்கும் போது அதில் இருந்த பணம் ஒரு லட்சத்து 70 ஆயிரத்தை காணவில்லை. இதனால் அதிர்ச்சி அடைந்தவர் குளச்சல் போலீசில் புகார் செய்தார். இது இது சம்பந்தமாக வழக்கு பதிவு செய்த போலீசார் சம்பவ இடத்திற்கு சென்று விசாரணை நடத்தினர். மேலும் அந்தப் பகுதியில் உள்ள சிசிடிவி கேமராவை ஆய்வு செய்தனர். கேமராவில் சம்பவம் நடந்த பகுதியில் பழைய பொருட்கள் சேகரிக்கும் நான்கு மர்ம நபர்கள் வேகமாக திரும்பிப் பார்த்து செல்லும் காட்சி பதிவாகியுள்ளது. இதன் அடிப்படையில் போலீசார் மர்ம நபர்களை தேடி வருகின்றனர். மேலும் இந்த கேமரா காட்சிகளை  போலீசார் சமூக வலைத்தளங்கள் பதிவிட்டு, பொதுமக்கள் எச்சரிக்கையாக இருக்க அறிவுறுத்தி உள்ளனர்.