சேலம் சிறை வளாகத்தில் 2 மின் மோட்டார்கள் திருட்டு!

சேலம் மத்திய சிறைக்கு சொந்தமான இடம், சிறைக்கு பின்புறம் உள்ள மூணாந்தோட்டம் பகுதியில் உள்ளது. சிறை கைதிகள் மூலம் சாம்பல் செங்கல் தயாரிப்பதற்காக ரூ.25 லட்சத்தில் எந்திரம் வாங்கி அங்கு வைக்கப்பட்டது. செங்கல் உற்பத்தி இன்னும் தொடங்கவில்லை. இதற்கான நடவடிக்கைகளை சிறை நிர்வாகம் எடுத்து வருகிறது. இந்த நிலையில் நேற்று முன்தினம் அந்த எந்திரத்தில் பொருத்தப்பட்டிந்த 2 மின் மோட்டார்கள் திருட்டு போனது. இது குறித்து சிறை சூப்பிரண்டு வினோத் அஸ்தம்பட்டி போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து, மின் மோட்டார்களை திருடிச்சென்றவர்களை தேடி வருகின்றனர். திருட்டு போன மின் மோட்டாரின் மதிப்பு ரூ.1 லட்சம் ஆகும்