விக்கிரவாண்டி அருகே 276 மதுபாட்டில்கள் கடத்திய 2 பெண்கள் கைது

விழுப்புரம் மாவட்டம் விக்கிரவாண்டி போலீஸ் இன்ஸ்பெக்டர் பாண்டியன் தலைமையில் சப்-இன்ஸ்பெக்டர் காத்தமுத்து மற்றும் போலீசார் பனையபுரத்தில் வாகன தணிக்கையில் ஈடுபட்டனர். அப்போது 2 பெண்கள் கஷ்டப் பட்டு 2 பைகளை தூக்கிக்கொண்டு நடந்து வந்தனர். இதைப்பார்த்த போலீசார், சந்தேகப்பட்டு அவர்களது பையை சோதனை செய்தனர். அதில் புதுச்சேரி மாநிலத்தில் மட்டும் விற் பனை செய்யக்கூடிய 180 மில்லி லிட்டர் அளவு கொண்ட 180 மது பாட்டில்களும், 90 மில்லி லிட்டர் அளவு கொண்ட 96 மதுபாட்டில் களும் இருந்தன. இதையடுத்து போலீசார் நடத்திய விசாரணையில், மலையரசன் குப்பத்தை சேர்ந்த தமிழரசி(வயது 60), வேட்டவலத்தை சேர்ந்த பூங்கொடி(43) ஆகியோர் என்பதும், புதுச்சேரியில் இருந்து விழுப்பு ரத்துக்கு சென்ற பஸ்சில் மதுபாட்டில்களை கடத்தி வந்ததும், போலீசுக்கு பயந்து முந்தைய நிறுத்தத்தில் பஸ்சில் இருந்து இறங்கி நடந்து வந்ததும் தெரியவந்தது. இதையடுத்து 2 பேரையும் போலீசார் கைது செய்தனர். மேலும் அவர்களிடம் இருந்த மதுபாட்டில்கள் பறிமுதல் செய்யப்பட்டது.