தூத்துக்குடியில் 3.5 கிலோ கஞ்சா பறிமுதல் : வாலிபர் கைது!

தூத்துக்குடியில் தென்பாகம் காவல் நிலைய இன்ஸ்பெக்டர் ராஜாராம் தலைமையில் போலீசார் நேற்று ரோந்து பணியில் ஈடுபட்டிருந்த போது தூத்துக்குடி - திருச்செந்தூர் ரோட்டில் உள்ள ஒரு பெண்கள் கல்லூரி அருகே நின்று கொண்டிருந்த வாலிபரை சந்தேகத்தின் பேரில் பிடித்து விசாரணை நடத்தினர். அதில் அவர் வைத்திருந்த பையில் கஞ்சா வைத்திருப்பது தெரியவந்தது. விசாரணையில் அவர் தூத்துக்குடி திருச்செந்தூர் ரோடு பெரியசாமி நகரை சேர்ந்த கருப்பசாமி மகன் சரோஜ் குமார் (24) என்று தெரியவந்தது. இதையடுத்து போலீசார் அவரை கைது செய்து, அவரிடம் இருந்த 3.5 கிலோ கஞ்சாவை பறிமுதல் செய்தனர். பறிமுதல் செய்யப்பட்ட கஞ்சாவின் மதிப்பு ரூ.10 லட்சம் என்று கூறப்படுகிறது.