கெங்கவல்லி அருகே டிராக்டர் மோதி 1½ வயது குழந்தை பலி

சேலம் மாவட்டம் கெங்கவல்லி அருகே தெடாவூர் தெற்கு மணக்காடு பகுதியை சேர்ந்தவர் கார்த்திக். கூலித் தொழிலாளி. இவருடைய மனைவி மல்லிகா. இவர்களுக்கு குரு என்ற 12 வயது குழந்தை உள்ளது. அந்த குழந்தை வீட்டின் முன்பு விளையாடிக் கொண்டிருந்தது. வீட்டின் முன்பு நின்ற டிராக்டருக்கு அடியில் அமர்ந்து விளையாடியது.

இதை கவனிக்காத டிராக்டர் டிரைவர் திடீரென டிராக்டரை இயக்கினார். இதில் குழந்தையின் மீது டிராக்டரின் பின்பக்க சக்கரம் ஏறி இறங்கியது. படுகாயம் அடைந்த குழந்தையை மீட்டு ஆத்தூர் அரசு ஆஸ்பத்திரிக்கு கொண்டு சென்றனர். ஆஸ்பத்திரிக்கு செல்லும் வழியில் குழந்தை பரிதாபமாக இறந்தது.

குழந்தையின் உடலை பார்த்து பெற்றோர் மற்றும் உறவினர்கள் கதறி அழுதது அங்கிருந்தவர்களைகண்கலங்க செய்தது. இந்த சம்பவம்தொடர்பாக கெங்கவல்லி போலீசார் வழக்குப்பதிவு செய்து விசாரணை நடத்தினர்.