தொழிலதிபா் வீட்டை கண்காணித்த பறக்கும் படை.

 தூத்துக்குடி, மட்டகடை பகுதியில் உள்ள ஒரு தொழிலதிபா் வீட்டில் இருந்து வாக்காளா்களுக்கு பண பரிமாற்றம் செய்வதாக பறக்கும்படை போலீசாருக்கு ரகசிய தகவல் கிடைத்ததாம். இதையடுத்து நேற்று நள்ளிரவில் தொழிலதிபா் வீட்டைச் சுற்றி பறக்கும்படை போலீசார் கண்காணிப்பு பணியில் ஈடுபட்டனர். முன்னதாக நேற்று காலையில் வருமானவரித் துறை சோதனை நடைபெறவுள்ளதாக தகவல் வெளியானது. ஆனால், பணபரிமாற்றம் செய்வதாக வந்த தகவல் உறுதி செய்யப்படவில்லை. பறக்கும்படை போலீசார் கண்காணிப்பு பணி காரணமாக அப்பகுதியில் திடீா் பரபரப்பு ஏற்பட்டது.