மளிகை கடை குடோன் பூட்டை உடைத்து திருட முயன்றவர் கைது

குமரிமாவட்டம் நாகர்கோவில் இந்து கல்லூரி அருகே உள்ள ஜீவா நகரை சேர்ந்தவர் மகாதேவன் (44 ). இவர் கோட்டார் கம்பளம் பகுதியில் மளிகை கடை நடத்தி வருகிறார். மேலும் முன்னாள் ராணுவ வீரர்கள் நல அலுவலக கட்டத்தில் உள்ள ஒரு குடோனில் மளிகை கடை பொருட்களை வைத்திருந்தார். இந்நிலையில் நேற்று காலை குடோனின் முன் பக்க கதவை உளி, சுத்தியலால் நபர் ஒருவர் உடைத்து அங்கிருந்த பொருட்களை திருடன் முயன்றுள்ளார். அக்கம் பக்கத்தினர் கோட்டார் போலீசில் தகவல் தெரிவித்தனர். போலீசார் அவரை பிடித்து நடத்திய விசாரணையில் அந்த நபர் கரியமாணிக்கபுரம் பணி ஆழ்வார் கோவில் தெருவை சேர்ந்த தச்சு தொழிலாளியான கணேஷ் (35) என்பது தெரிய வந்தது.  போலீசார் அவரை கைது செய்து விசாரணை நடத்தி வருகிறார்கள்.