தஞ்சாவூரில் தேர்தல் தொடர்பாக உயர் அலுவலர்கள் ஆலோசனைக் கூட்டம் 

தஞ்சாவூர் மாவட்ட ஆட்சித்தலைவர் அலுவலக கூட்டரங்கில்,  மாவட்ட தேர்தல் நடத்தும் அலுவலரும், மாவட்ட ஆட்சித்தலைவருமான தீபக் ஜேக்கப் தலைமையில் அனைத்து தொடர்பு அலுவலர்கள் மற்றும் உதவி தேர்தல் நடத்தும் அலுவலர்களுடன் ஆய்வுக் கூட்டம் சனிக்கிழமை நடைபெற்றது. இ

தில், தஞ்சாவூர் பாராளுமன்ற தொகுதி பொது பார்வையாளர் ஒய். கிகேட்டோ சேம, தேர்தல் செலவின பார்வையாளர் ஜான்வி திவாரி, காவல் தேர்தல் பார்வையாளர் மரு. எஸ்.டி.சரணப்பா ஆகியோர் கலந்து கொண்டு ஆலோசனை வழங்கிப் பேசினர். 

இக்கூட்டத்தில், தஞ்சாவூர் பாராளுமன்ற தேர்தல் நடைமுறைகளை பின்பற்ற வேண்டிய வழிமுறைகள் குறித்து விவாதிக்கப்பட்டது. தொடர்புடைய அனைத்து அலுவலர்களும் எந்தவொரு தொய்வின்றி தேர்தல் நடத்தை விதிகளை கண்காணிக்குமாறு பாராளுமன்ற தொகுதி பொது பார்வையாளர்  ஒய்.கிகேட்டோ சேம தெரிவித்தார்.

இக்கூட்டத்தில், மாவட்ட காவல் கண்காணிப்பாளர் ஆஷிஷ் ராவத், மாவட்ட வருவாய் அலுவலர் தெ.தியாகராஜன், மாவட்ட ஊரக வளர்ச்சி முகமை திட்ட இயக்குநர் பாலகணேஷ் மற்றும் அலுவலர்கள் பலர் கலந்து கொண்டனர்.