கரூர் அருகே விபத்து - ஒருவர் பலி

 கரூர் மாவட்டம் , புஞ்சை புகலூர், பஜார் பகுதியைச் சேர்ந்தவர் சக்திவேல் வயது 68. இவர் மே 21 ஆம் தேதி இரவு 9:30 மணி அளவில், கரூர் அருகே வெங்கமேட்டில் இருந்து செம்மடை செல்லும் சாலையில் அவரது டூ வீலரில் சென்று கொண்டு இருந்தார். இவரது வாகனம் அருகில் உள்ள மேலோ டெக்ஸ் அருகே சென்றபோது, டூவீலரை வேகமாக இயக்கியதால், நிலை தடுமாறி சென்டர் மீடியனில் மோதி விபத்து ஏற்பட்டது.

இதில் பலத்த காயம் அடைந்த சக்திவேலை மீட்டு, கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். அங்கு சிகிச்சையில் இருந்து வந்த அவர் சிகிச்சை பலனின்றி உயிரிழந்தார். இந்த சம்பவம் அறிந்த சக்திவேலின் மனைவி பூங்கொடி வயது 68 என்பவர் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர் உயிரிழந்த சக்திவேலின் உடலை உடற்கூறு ஆய்வுக்காக மருத்துவ கல்லூரி மருத்துவமனை சவகிடங்குக்கு அனுப்பி வைத்து, இது தொடர்பாக வழக்கு பதிவு செய்து விசாரணை மேற்கொண்டு வருகின்றனர் வாங்கல் காவல்துறையினர்.