மணல் திருட்டில் ஈடுபட்ட ஒருவர் கைது

பரமத்திவேலூர் அருகே உள்ள கூடுதுறை காவிரி ஆற்றில் சட்ட விரோதமாக மணல் திருடப்படுவதாக வேலூர் போலீசாருக்கு தகவல் கிடைத்தது. தகவலின் அடிப்படையில் பரமத்திவேலூர் போலீஸ் இன்ஸ்பெக்டர் ரங்கசாமி தலைமையிலான போலீசார் கூடுதுறை பகுதியில் திடீர் வாகன சோதனையில் ஈடுபட்டனர். அப்போது அவ்வழியாக வந்த மோட்டார் சைக்கிளை நிறுத்தி சோதனை மேற்கொண்டனர். இதில் கூடுதுறை காவிரி ஆற்றில் இருந்து மோட்டார் சைக்கிளில் கூடுதுறையைச் சேர்ந்த சுப்பிரமணி(55) என்பவர் சட்டவிரோத மணல் மூட்டைகளை திருடி வந்தது தெரியவந்தது. அதனையடுத்து அவரை கைது செய்து மணல் திருட்டிற்கு பயன்படுத்திய இருசக்கர வாகனத்தை பறிமுதல் செய்து வழக்கு பதிவு செய்து விசாரணை நடத்தி வருகின்றனர்.