மது பாட்டில்களை பதுக்கி விற்பனை செய்தவர் கைது !

தர்மபுரி மாவட்டம் பாப்பிரெட்டிப்பட்டி சட்டமன்ற தொகுதிக்கு உட்பட்ட, பாப்பிரெட்டிப்பட்டி செங்கல்பட்டு தெருவைச் சேர்ந்தவர் வீட்டில் மது பாட்டில்களை பதுக்கி வைத்து, விற்பனை செய்து வருவதாக, பாப்பிரெட்டிப்பட்டி காவல்துறையினருக்கு ரகசிய தகவல் கிடைத்தது. இதையடுத்து பாப்பிரெட்டிப்பட்டி காவல்துறையினர் சம்பவ இடத்திற்கு சென்று ஆய்வு செய்தனர்.

அப்போது, அப்பகுதியைச் சேர்ந்த மணி என்பவரது,வீட்டில் சோதனை செய்த போது, அவரது வீட்டில் 50 மது பாட்டில்கள் பதுக்கி வைத்திருந்தது தெரிய வந்தது. இதையடுத்து, அவரது வீட்டில் பதுக்கி வைத்திருந்த மது பாட்டில்களை பறிமுதல் செய்து, மணியை பாப்பிரெட்டிப்பட்டி காவல்துறையினர் கைது செய்தனர். மேலும் அவர் மீது வழக்கு பதிவு செய்து விசாரணை மேற்கொண்டு வருகின்றனர்.