சட்டக்கல்லூரி மாணவர்கள் செய்த வழிப்பறி திருட்டு

கோபால்பட்டி கொரசின்னம்பட்டி பகுதியில் போலீஸார் வாகனச் சோதனையில் ஈடுபட்டிருந்தனர். அப்போது அவ்வழியாக டூவீலரில் செயினை பறித்துக்கொண்டு தப்பியவர்கள் வந்தனர். போலீஸாரிடம், சோதனையிட்டால் மாட்டிக்கொள்வோம் என பயந்து தப்பித்துள்ளனர். இதைப் பார்த்த போலீஸார் அவர்களை விரட்டிப்பிடிக்க முயன்றனர். இதில் தப்பிக்க முயன்ற அந்த இளைஞர்கள் இருவரும் டூவீலரில் இருந்து கீழேவிழுந்தனர். அவர்களை பிடித்து விசாரித்தபோது நகையை பறித்து வந்ததால், தப்பிச் செல்ல முயன்றோம் எனக் கூறியுள்ளனர்.அவர்களை கைது செய்து விசாரித்தபோது, அவர்கள் இருவரும் அரசு சட்டக்கல்லூரியில் படித்து வருவது தெரியவந்தது. கஞ்சா போதைக்கு அடிமையான இருவரும், ஏற்கெனவே இது போன்று வழிப்பறி சம்பவங்களில் ஈடுபட்டு வந்துள்ளனர்.