சிவகாசியில் முதல்வர் உருவத்தை எழுத்தால் ஒவியம் வரைந்து மாணவன் சாதனை

சிவகாசி அருகே, 'தமிழ்நாடு' என்ற எழுத்துக்களால் முதல்வர் படத்தை ஓவியமாக வரைந்த பள்ளி மாணவர்..... விருதுநகர் மாவட்டம், சிவகாசி அருகேயுள்ள அதிவீரம்பட்டி பகுதியைச் சேர்ந்தவர் அய்யனார். இவரது மனைவி ஜெயலட்சுமி. இவர்களது மகன் சரண்சந்ரேஷ் (12). இவர் 7 வகுப்பு படித்து வருகிறார். மாணவர் சரண்சந்ரேஷிற்கு பென்சில் ஓவியம் வரைவதில் மிகுந்த ஈடுபாடு உண்டு. பார்க்கும் அனைத்தையும் பென்சில் ஓவியமாக தீட்டி, பலரது பாராட்டுகளையும் பரிசுகளையும் குவித்துள்ளார். மேலும், தமிழ்நாடு முதலமைச்சர் ஸ்டாலின் அவர்களின் 71வது பிறந்த நாளை சிறப்பிக்கும் வகையில், 'தமிழ்நாடு' என்ற எழுத்துக்களை கொண்டு முதல்வர் ஸ்டாலின் உருவத்தை, மாணவர் சரண்சந்ரேஷ் பென்சில் ஓவியமாக தீட்டியுள்ளார்.

பென்சிலால் மிக அழகாக தீட்டப்பட்டுள்ள, முதல்வர் ஸ்டாலின் படத்தை பார்த்து வியந்த திமுக கட்சியின் முக்கிய பிரமுகர்கள் மாணவர் சரண்சந்ரேஷிற்கு பரிசுகள் வழங்கி பாராட்டுகளையும், வாழ்த்துகளையும் கூறி வருகின்றனர்.