கொலை முயற்சி வழக்கில் தலைமறைவாக இருந்தவர் கைது

சேலம் அழகாபுரத்தில் கொலை முயற்சி வழக்கில் 4 மாதமாக தலைமறைவாக இருந்த வாலிபரை போலீசார் கைது செய்தனர். சேலம் அய்யந்திரு மாளிகை மாரியம்மன் கோயில் பகுதியை சேர்ந்தவர் குரு (எ) சசிகுமார் (33). இவர் மீது அழகாபுரம் போலீசில் கொலை முயற்சி வழக்கு நிலுவையில் உள்ளது.

சேலம் நீதிமன்றத்தில் நடந்து வரும் இவ்வழக்கில், கடந்த ஆண்டு அக்டோபர் மாதத்தில் இருந்து ஆஜராகாமல் குரு தலைமறைவானார். இதனால் அவரை கைது செய்து ஆஜர்படுத்த நீதி மன்றம் பிடிவாரண்ட் பிறப்பித்தது. இதையடுத்து அழகாபுரம் இன்ஸ்பெக்டர் காந்திமதி தலைமையிலான போலீசார், 4 மாதமாக தலைமறைவாக இருந்த குருவை தீவிரமாக தேடினர். அதில் இன்று காலை குருவை அதிரடியாக போலீசார் கைது செய்தனர். அவரை நீதிமன்றத் தில் ஆஜர்படுத்தி சிறையில் அடைக்க போலீசார் நடவடிக்கை எடுத்துள்ளனர்.