சிபிஎஸ்சி பொதுத்தேர்வில் சாதனை

2023 - 24 கல்வியாண்டில் நடைபெற்ற சிபிஎஸ்சி பொதுத்தேர்வில் மல்லூர் வீ.ஜி விகாஸ் பப்ளிக் பள்ளியில் பத்தாம் வகுப்பு படிக்கும் மாணவி K.ஸ்ரீரக்க்ஷிதா 490/500 மதிப்பெண்கள் பெற்று முதலிடமும், P.S ஹரிதா 484/500 மதிப்பெண்கள் பெற்று இரண்டாமிடமும், M.மிருதுளா 482/500 மதிப்பெண்கள் பெற்று மூன்றாமிடமும் பிடித்து சாதனை படைத்துள்ளனர். இதேபோல் பன்னிரண்டாம் வகுப்பு மாணவி M.பவ்யதர்ஷினி 455/500 மதிப்பெண்கள் பெற்று முதலிடமும், K.V எமிமால் 452/500 மதிப்பெண்கள் பெற்று இரண்டாமிடமும், மாணவன் A.யுகேந்திரன் 449/500 மதிப்பெண்கள் பெற்று மூன்றாமிடமும் பிடித்து வெற்றி பெற்றுள்ளனர். சாதனை படைத்த மாணவ, மாணவிகளையும் அவர்களை ஊக்குவித்த ஆசிரியர்களையும் பள்ளியின் நிர்வாகத்தினர் மற்றும் பள்ளி முதல்வர் கணேஷ் ஆகியோர் பாராட்டி,சிறப்பு செய்தனர். இந்நிகழ்ச்சியில் பெற்றோர்களும் கலந்து கொண்டு மாணவ, மாணவிகளையும், பள்ளியையும் வாழ்த்தினர்.