நாமக்கல் ஒன்றியத்தில் அதிமுக வேட்பாளர் தமிழ்மணி தீவிர பிரச்சாரம்!

நாமக்கல் தொகுதி அதிமுக வேட்பாளராக ராஹா தமிழ்மணி போட்டியிடுகிறார். அவர் நாமக்கல் கிழக்கு மற்றும் மேற்கு ஒன்றியத்தில் நேற்று ஞாயிற்றுக்கிழமை கிராமம் கிராமமாக திறந்த ஜீப்பில் சென்று வாக்கு சேகரித்தார். அவருக்கு அந்த ஊர் பெண்கள் ஆரத்தி எடுத்து வரவேற்பு அளித்தனர். நாமக்கல் ஒன்றியத்தில் அதிமுக வேட்பாளர் தமிழ்மணி தீவிர பிரச்சாரம் செய்து இரட்டை இலை சின்னத்திற்கு வாக்கு சேகரித்தார்.

வள்ளிபுரம், கீழ்சாத்தம்பூர், கீரம்பூர், அணியார், நருவலூர், திண்டமங்கலம், தளிகை , சிங்கிலிப்பட்டி, எர்ணாபுரம் , சிலுவம்பட்டி, காதப்பள்ளி , மரூர்பட்டி , விட்டமநாயக்கன்பட்டி, வகுரம்பட்டி உள்ளிட்ட பல்வேறு கிராமங்களில் உள்ள பகுதிகளுக்கும், நாமக்கல் கிழக்கு ஒன்றிய பகுதிகளான சிலுவம்பட்டி, எர்ணாபுரம், காதப்பள்ளி, வீசாணம், வேட்டாம்பாடி உள்ளிட்ட பகுதிகளுக்கும் திறந்த ஜீப்பில் சென்று வேட்பாளர் தமிழ்மணி வாக்கு சேகரித்தார்.

வாக்கு சேகரிப்பின் போது, முன்னாள் எம்எல்ஏ பாஸ்கர், நாமக்கல் ஒன்றிய செயலாளர்கள் சேகர், செல்வகுமார், முன்னாள் மாவட்ட ஊராட்சிக்குழு, தலைவர் காந்தி முருகேசன், எம்.ஜி.ஆர். மன்ற செயலாளர் குப்புசாமி, கீரம்பூர் வழக்கறிஞர் கோபி, நகர அவை தலைவர் விஜய்பாபு,ரம்யா சேகர், உள்ளிட்ட பலர் கலந்துகொண்டனர்.