மாற்றுகட்சியினர் தேமுதிகவில் ஐக்கியம் !

மூங்கில்துறைப்பட்டு ஊராட்சிக்கு உட்பட்ட மோட்டூர்பகுதியைச் சேர்ந்த 300க்கும் மேற்பட்ட தி.மு.க.,வினர் தே.மு.தி.க.,வில் இணைந்ததால் அப்பகுதியில் பரபரப்பு ஏற்பட்டது. சங்கராபுரம் வடக்கு ஒன்றியத்திற்கு உட்பட்ட மூங்கில்துறைப்பட்டு ஊராட்சியில் அமைந்துள்ள மோட்டூர் பகுதியை சேர்ந்த கரும்பு கொத்துக்கார் ஏழுமலை தலைமையில் தி.மு.க.,வை சேர்ந்த 300 பேரை கள்ளக்குறிச்சி தே.மு.தி.க., மாவட்ட செயலாளர் கருணாகரன் முன்னிலையில் இணைத்துக் கொண்டனர். கட்சியில் இணைந்த 300 பேருக்கும் மாவட்ட செயலாளர் கருணாகரன் சால்வை அணிவித்து வரவேற்றார். அப்பொழுது சங்கராபுரம் வடக்கு ஒன்றிய செயலாளர் மஞ்சுநாதன்,நிர்வாகிகள் வடக்கீரனுார் சமீம், ஜாகிர் உசேன், பொரசப்பட்டு ஏழுமலை, மூங்கில்துறைப்பட்டு அசோக்குமார், ரபீக், ரஞ்சித் குமார் மற்றும் நிர்வாகிகள் பலர் உடன் இருந்தனர்.