தோட்டத்தில் மின்மோட்டார் அமைக்கும் பிரச்சினையில் தாக்குதல்

 திண்டுக்கல் மாவட்டம், நத்தம் அருகேயுள்ள கோட்டையூர் ஊராட்சி நல்லூரை சேர்ந்தவர் தனசேகர்(45). அதே பகுதியை சேர்ந்தவர் சின்னையா (27). இவர்கள் இருவருக்கும் தோட்டத்தில் மின்மோட்டார் அமைப்பதில் பிரச்சினை இருந்து வந்தது. இதனால் இருவருக்கும் இடையே வாய்த்தகராறு ஏற்பட்டு பின்னர் மோதலாக மாறியது. இதில் சின்னையா தனது நண்பருடன் சேர்ந்து தனசேகரை தாக்கியுள்ளார். இதில் காயமடைந்த அவர் நத்தம் அரசு மருத்துவமனையில் சிகிச்சைக்காக அனுமதிக்கப்பட்டுள்ளார். இதுகுறித்து தனசேகர் நத்தம் காவல்துறையினரிடம் புகார் செய்தார். அதன் பேரில் நத்தம் காவல் ஆய்வாளர் தங்கமுனியசாமி வழக்கு பதிவு செய்து சின்னையா (27), கார்த்திக் ஆகிய 2 பேரை கைது செய்து விசாரணை நடத்தி வருகிறார்.