அரசு தொடக்கப் பள்ளியில் ஆண்டு விழா

சேலம் மாவட்டம் அரசிராமணி அருகேயுள்ள குஞ்சாம்பாளையம் ஊராட்சி ஒன்றிய தொடக்கப்பள்ளியில் ஆண்டு விழா பள்ளி தலைமை ஆசிரியர் சந்திரசேகர் தலைமையில் நடைபெற்றது. இவ்விழாவில் வட்டார கல்வி அலுவலர்கள் பெற்றோர் ஆசிரியர் கழக நிர்வாகிகள் கலந்துகொண்டு பல்வேறு போட்டிகளில் கலந்து கொண்டு வெற்றி பெற்ற பள்ளி மாணவ, மாணவிகளுக்கு பரிசுகள் வழங்கப்பட்டது . இதனைத் தொடர்ந்து நடைபெற்ற கலை நிகழ்ச்சிகளில் பள்ளி மாணவ, மாணவிகள் கலந்து கொண்டு விழிப்புணர்வு நாடகங்கள், இடைவிடாத திருக்குறள் ஒப்பித்தல், ஆங்கிலத்தில் பேசியும் பெற்றோர்களையும், பொதுமக்களையும் மெய்சிலிர்க்க வைத்தனர். மேலும் பல்வேறு விழிப்புணர்வு பாடல்களுக்கு நடனமாடி அசைத்தினர். அப்போது பள்ளி ஆசிரியர், ஆசிரியைகள் பெற்றோர்கள் பள்ளி மாணவ, மாணவிகள் பொதுமக்கள் என ஏராளமானோர் இதில் கலந்து கொண்டனர்.