லஞ்ச ஒழிப்பு குறித்து விழிப்புணர்வு பேரணி

பெரம்பலூரில் லஞ்ச ஒழிப்பு குறித்த கல்லூரி மாணவர்களின் விழிப்புணர்வு பேரணி, நடைபெற்றது. பெரம்பலூர் பாலக்கரையில் இருந்து துவங்கிய இந்த பேரணியை மாவட்ட ஆட்சியர் கற்பகம் கொடியசைத்து துவக்கி வைத்தார், இப்பேரணி வெங்கடேசபுரம், சங்கு, கடைவீதி பழைய பேருந்து நிலையம் சென்று மீண்டும் புதிய பேருந்து நிலையம், நகராட்சி அலுவலகத்தில் முடிவடைந்தது.

இந்த பேரணியில் லஞ்ச ஒழிப்பு குறித்த விழிப்புணர்வு வாசகம் அடங்கிய பதாகைகளை கையில் ஏந்தி மாணவர்கள் பேரணியாக சென்றனர். லஞ்ச ஒழிப்புத்துறை துணை காவல் கண்காணிப்பாளர் ஹேமசித்ரா தலைமையில் நடந்த நிகழ்ச்சியில், ஆய்வாளர்கள் ராமேஸ்வரி, விஜயலட்சுமி. உதவி ஆய்வாளர்கள் சுந்தரமூர்த்தி மனோகர். உள்ளிட்ட துறை அலுவலர்கள், கல்லூரி மாணவ, மாணவிகள் பலர் கலந்து கொண்டனர்.