விளையாட்டு மேம்பாட்டு சங்கம் சார்பில் தமிழ்நாடு அரசுக்கு பாராட்டு விழா

திண்டுக்கல் மாவட்ட குழந்தைகள் விளையாட்டு மேம்பாட்டு சங்கத்தின் சார்பாக பல்வேறு சலுகைகள் அறிவித்த அரசுக்கு பாராட்டு விழா சர்வதேச மற்றும் தேசிய அளவிலான விளையாட்டுப் போட்டிகளில் தமிழ்நாடு சார்பாக பங்கேற்று வெற்றி பெறுபவர்களுக்கு தமிழக அரசு பணி மற்றும் விளையாட்டு வீரர்களுக்கு பல்வேறு சலுகைகள் அறிவித்த அரசினை பாராட்டும் விதமாக திண்டுக்கல் மாவட்ட குழந்தைகள் விளையாட்டு மேம்பாட்டு சங்கத்தின் சார்பில் விளையாட்டு வீரர்களுக்கு இனிப்பு வழங்கும் விழா நிகழ்ச்சி திண்டுக்கல் ரவுண்ட் ரோட்டில் உள்ள டெஃபி வூசு அகாடமி உள் விளையாட்டு அரங்கத்தில் நடைபெற்றது.

இந்நிகழ்ச்சிக்கு திண்டுக்கல் மாவட்ட குழந்தைகள் விளையாட்டு மேம்பாட்டு சங்கத்தின் தலைவர் டாக்டர். நாட்டாண்மை என்.எம்.பி. காஜா மைதீன் தலைமை தாங்கினார். ஒருங்கிணைப்பாளர் மனிதநேயம் வி. ஞானகுரு வரவேற்புரை ஆற்றினார். இந்நிகழ்ச்சிக்கு துணைத் தலைவர்கள் திமுக கிழக்கு பகுதி செயலாளரும், முன்னாள் கால்பந்து வீரருமான ஏ.ராஜேந்திரகுமார், டாக்டர். எஸ். சகாய செல்வராஜ், ஏ.சீனிவாசன், செயற்குழு உறுப்பினர் மகேந்திரன், எஸ். அரியநாயகம் ஆகியோர் முன்னிலை வகித்தார்கள். இந்நிகழ்ச்சியின் போது தேசிய அளவிலான வூசு போட்டிகளில் கலந்து கொண்டு பதக்கம் பெற்ற வீரர் ,வீராங்கனைகளுக்கு பாராட்டு விழா நிகழ்ச்சி நடைபெற்றது.