மோசமான வானிலை விமானங்கள் ரத்து

தென் மாவட்டங்களில் தொடர்ந்து பெய்யும் கனமழை வெள்ளம் காரணமாக, திருநெல்வேலி, துாத்துக்குடி உள்ளிட்ட மாவட்டங்களில் சாலை, ரயில் போக்குவரத்து முடங்கி உள்ளன. இதேபோல், மோசமான வானிலை நிலவுவதால், விமானங்களின் சேவையும் இரண்டாவது நாளாக நேற்றும் ரத்து செய்யப்பட்டன. சென்னை உள்நாட்டு விமான நிலையத்தில் இருந்து நேற்று காலை 5:45 மணி, காலை 10:15 மணி ஆகிய நேரங்களில், துாத்துக்குடி செல்லும் இரண்டு புறப்பாடு விமானங்கள் ரத்து செய்யப்பட்டன. அதேபோல், துாத்துக்குடியில் இருந்து சென்னை வரும் காலை 9:20 மணி, மதியம் 1:40 மணி ஆகிய வருகை விமானங்களும் ரத்து செய்யப்பட்டன. இதனால், திருநெல்வேலி, துாத்துக்குடி, தென்காசி மாவட்டங்களுக்கு செல்ல வேண்டிய விமான பயணியர் அவதிப்பட்டனர்."