திருப்போரூர் அருகே மருத்துவமனை கட்ட பூமி பூஜை

செங்கல்பட்டு மாவட்டம்,திருப்போரூர் அடுத்த தண்டலம் ஊராட்சியில் அடங்கிய மேட்டுதண்டலம் கிராமத்தில்,ஊராட்சி நிர்வாகம் மற்றும் கேளம்பாக்கம் செட்டிநாடு மருத்துவமனை சார்பில், இலவச மருத்துவ சேவை வழங்கப்பட்டு வருகிறது.

தற்காலிகமாக வாடகை கட்டடத்தில் செயல்படுவதால், வசதிகளுடன் சொந்த கட்டடம் கட்ட ஊராட்சி நிர்வாகம், அதே பகுதியில் இயங்கும் ராம்பால் தனியார் நிறுவனத்திடம் கோரிக்கை வைத்தது. இதையடுத்து, பொதுமக்கள் பயன்பாட்டிற்கு ராம்பால் நிறுவனம் சார்பில் 30 லட்சம் ரூபாய் மதிப்பில் புதிய மருத்துவ கட்டடம் கட்டித்தர முடிவு செய்து, மருத்துவமனை கட்டடத்திற்கான பூமி பூஜை நடந்தது.