பைக் நேருக்கு நேர் மோதி விபத்து

திருப்பத்தூர் மாவட்டம் ஜோலார்பேட்டை சக்கரக்குப்பம் பகுதியில் பைக் நேருக்கு நேர் மோதி விபத்து கூலி தொழிலாளி படுகாயம்! ஒருவர் மீது வழக்கு பதிவு திருப்பத்தூர் மாவட்டம் ஜோலார்பேட்டை கோடியூர் பகுதியை சேர்ந்தவர் சங்கர்(39). இவரும் இவரது நண்பரான குமார் என்பவரும் ஜோலார்பேட்டை அருகே பைக்கில் சென்று கொண்டிருந்தனர். அப்போது சக்கரகுப்பம் அருகே சென்றபோது, வாணியம்பாடியில் இருந்து திருப்பத்துார் நோக்கி வந்த பைக் இவர்கள் மீது மோதி விபத்துக்குள்ளானது. இதில் நிலை தடுமாறி சங்கர் கீழே விழுந்தார். அப்போது அவ்வழியாக வந்த லாரி சங்கரின் இரு கால்கள் மீது ஏறி இறங்கியது. இதில் அவருக்கு கால்கள் நசுங்கியது. அதன் பின்னர் அவரை மீட்டு திருப்பத்துார் அரசு மருத்துவமனைக்கு அனுப்பி வைத்தனர். பின்னர் இது குறித்து சங்கரின் மனைவி லட்சுமி(34). ஜோலார்பேட்டை காவல் நிலையத்தில் புகாரின் பேரில், விபத்து ஏற்படுத்திய திருப்பத்துார் அருகே லக்கிநாயக்கன்பட்டியை சேர்ந்த வெற்றி(20). என்பவர் மீது வழக்கு பதிவு செய்துள்ளனர்.