குமாரபாளையத்தில் பைக் திருட்டு:போலீசார் விசாரணை

நாமக்கல் மாவட்டம் பள்ளிபாளையம் ஆவரங்காடு பகுதியை சேர்ந்தவர் பிரசாந்த் .இவர் தனியார் நிறுவனத்தில் ஊழியராக பணியாற்றி வருகிறார். வழக்கம் போல தனது ஹீரோ ஹோண்டா ஸ்ப்ளெண்டர் வாகனத்தை இரவு வீட்டின் வெளியே நிறுத்திவிட்டு வீட்டிற்குள் சென்று விட்டார்.

காலை வீட்டின் வெளியே வந்து பார்த்த பொழுது தனது வாகனம் காணாததைக் கண்டு அதிர்ச்சி அடைந்து ,அருகில் பொருத்தப்பட்டிருந்த சிசிடிவி கண்காணிப்பு கேமராவை பார்த்த போது, அதில் சுமார் 30 வயதுக்கு உட்பட்ட இளைஞர் ஒருவர் தனது இருசக்கர வாகனத்தை திருடிச் செல்வதும் தொடர்ந்து நகரின் பல்வேறு பகுதிகளுக்கு சென்று அங்கிருந்து இன்னொரு இளைஞனுடன் இருசக்கர வாகனத்தில் செல்வதும் அதில் பதிவாகி இருந்தது.

இது குறித்து பிரசாந்த் அளித்த புகாரின் அடிப்படையில் பள்ளிபாளையம் போலீசார் சிசிடிவி கண்காணிப்பு கேமரா காட்சிகள் அடிப்படையில் இது குறித்து விசாரணை மேற்கொண்டு வருகின்றனர். பள்ளிபாளையம் சுற்றுவட்டார பகுதிகளில் இரவு நேரத்தில் இருசக்கர வாகனம் திருடப்படுவது அதிகரித்து வருவதால் பொதுமக்கள் வாகன ஓட்டிகள் அச்சத்தில் ஆழ்ந்துள்ளனர்.