பாஜக கூட்டணி 25 இடங்களில் வெற்றிபெறும்: வெற்றிவேல் பேட்டி

வரும் மக்களவைத் தேர்தலில் பாஜக தலைமையிலான என் டி ஏ கூட்டணி தமிழகத்தில் 25 இடங்களில் நிச்சயம் வெற்றி பெறும் அல்லது 25 இடங்களுக்கு மேலாக பாஜக கூட்டணி வெற்றி பெறும் என்று பாராளுமன்ற மாவட்ட பொறுப்பாளர் வெற்றிவேல் பேட்டி அளித்துள்ளார். விருதுநகர் பாராளுமன்ற தொகுதிக்கான பாஜகவின் சட்டமன்றத் தேர்தல் அலுவலகம் திறப்பு-கட்சி நிர்வாகிகள் பங்கேற்பு... விருதுநகர் பாராளுமன்ற தொகுதிக்கு உட்பட்ட தேர்தல் பணிக்கான பாஜகவின் விருதுநகர் சட்டமன்றத் தொகுதிக்கான தேர்தல் அலுவலகத்தை அக்கட்சியின் மாவட்ட பாஜக தலைவர் பென்டகன் பாண்டுரங்கன், பாராளுமன்ற மாவட்ட பொறுப்பாளர் வெற்றி வேல் ஆகியோர் திறந்து வைத்தனர். பாஜகவின் வளர்ச்சி அடைந்த பாரதம் மோடியின் உத்தரவாதம் மீண்டும் ஒருமுறை மோடி அரசு என்ற தேர்தல் வாக்குறுதிகள் 10 ஆண்டு சாதனை திட்டங்கள் குறித்து பொதுமக்களிடம் கருத்து கேட்கும் பெட்டி பூத் கமிட்டி நிர்வாகிகளுக்கு மாவட்ட தலைமை வாங்கியது. அதனைத் தொடர்ந்து கட்சியின் முக்கிய நிர்வாகிகள் நிர்வாகிகளுடன் ஆலோசனை கூட்டம் நடைபெற்றது.

அதன்பின்னர் செய்தியாளர் சந்திப்பில் பேசிய விருதுநகர் மாவட்ட பாராளுமன்ற பொறுப்பாளர் வெற்றிவேல் கூறியதாவது: 1680 பூத்துகளில் 1480 பூத்து கமிட்டிகள் அமைக்கப்பட்டுள்ளது. விருதுநகர் சட்டமன்ற தொகுதியை பொறுத்தவரை பாரதப்பிரதமர் நரேந்திர மோடியின் சாதனைகளை மக்களிடம் எடுத்துக்கூறியும் மற்றும் விருதுநகர் மாவட்டத்தில் உள்ள 255 பூத்துகளில் 94 சதவீத களப்பணிகள் தீவிரமாக நடைபெற்று வருகிறது எனவும், குஷ்புக்கு எதிராக திமுகவினரின் போராட்டத்திற்கு எதிர்வினையாக மிகப்பெரிய போராட்டத்தை கட்சித் தலைமையின் அனுமதியைப் பெற்று நடத்துவோம். வரும் மக்களவைத் தேர்தலில் பாஜக தலைமையிலான என் டி ஏ கூட்டணி தமிழகத்தில் 25 இடங்களில் நிச்சயம் வெற்றி பெறும். அல்லது 25 இடங்களுக்கு மேலாக பாஜக கூட்டணி வெற்றி பெறும் என்றார். பேட்டி: வெற்றி வேல் - பாராளுமன்ற மாவட்ட பொறுப்பாளர்