சிக்கன் கடைக்காரரை தாக்கிய சிறுவன் கைது

சேலம் மாவட்டம், தாதகாப்பட்டி, சஞ்சீவிராயன்பேட்டை, குள்ளப்பன் தெருவைச் சேர்ந்தவர் வேலு (வயது 62). இவர் பில்லுக்கடை பஸ் நிறுத்தத்தில் சிக்கன் கடை வைத்துள்ளார். இவர் நேற்று முன்தினம் இரவு அந்த பகுதியில் நடந்து சென்று கொண்டிருந்தார். அப்போது அந்த வழியாக சென்ற சிலர் வேலுவிடம் வாக்குவாதம், தகராறில் ஈடுபட்டனர்.

தொடர்ந்து அவர்கள் வேலுவை தாக்கியதாக கூறப்படுகிறது. இதில் காயமடைந்த அவர் சேலம் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இது குறித்த புகாரின் பேரில் அன்னதானப்பட்டி போலீசார் வழக்குப்பதிவு செய்து 16 வயது சிறுவனை நேற்று கைது செய்தனர். தலைமறைவாக உள்ள அவனது கூட்டாளிகளை தேடி வருகின்றனர்.