வீட்டின் பூட்டை உடைத்து கொள்ளை

தூத்துக்குடி மாவட்டம், தட்டார்மடம் அருகேயுள்ள நடுவக்குறிச்சியைச் சேர்ந்தவர் ஜெயராம முருகேசன் மனைவி தன சரோஜா (62). இவர்கள் கடந்த 1ஆம் தேதி வீட்டை பூட்டிவிட்டு வெளியூர் சென்றுவிட்டனர். பின்னர் 12ஆம் தேதி வீட்டிற்கு வந்தனர். அப்போது வீட்டின் பூட்டு உடைக்கப்பட்டிருந்தது.

இதனால் அதிர்ச்சியடைந்த அவர்கள் வீட்டின் உள்ளே சென்று பார்த்தபோது வீட்டில் இருந்த டிவி, சிலிண்டர், குத்துவிளக்கு, உள்ளிட்ட ரூ.1லட்சம் மதிப்புள்ள பொருட்கள் திருடு போயிருந்தது. இதுகுறித்து புகாரின் பேரில் தட்டார்மடம் காவல் நிலைய சப் இன்ஸ்பெக்டர் குரூஸ் மைக்கேல் வழக்குப் பதிந்து விசாரணை நடத்தி வருகிறார்.