மேட்டூர் அருகே மர்ம விலங்கு கடித்து கன்றுக்குட்டி காயம்.
மேட்டூர் அருகே மேச்சேரியில் மர்ம விலங்கு கடித்து கன்று குட்டி காயமடைந்த சம்பவத்தை தொடர்ந்து அப்பகுதியில் வனத்துறையினர் கண்காணிப்பு பணியில் ஈடுபட்டுள்ளனர்.
Update: 2024-05-30 04:29 GMT
காயமடைந்த கன்று குட்டி
மேட்டூர் அருகே மேச்சேரியை சேர்ந்தவர் விவசாயி பெருமாள் (70). இவர் கால்நடை வளர்ப்பிலும் ஈடுபட்டு வருகிறார். இவரது விவசாய நிலத்தில் கன்று குட்டிகளை கட்டி வைத்துவிட்டு உறங்கச் சென்றவர் காலையில் வந்து பார்த்தபோது மர்ம விலங்கு கடித்து கன்று குட்டியின் கழுத்தில் காயம் ஏற்பட்டது. இதனை கண்டு அதிர்ச்சி அடைந்த பெருமாள் உடனடியாக வனத்துறை அலுவலகத்திற்கு தகவல் தெரிவித்தார்.
சம்பவ இடத்திற்கு வந்த வனத்துறை அதிகாரிகள் மர்ம விலங்கின் கால் தடத்தை பதிவு செய்தனர். அப்பகுதியில் கேமராக்களை பொருத்தி மர்ம விலங்கின் நடமாட்டத்தை கண்காணித்து வருகின்றனர். மேலும் இரவு. நேரங்களில்பொதுமக்கள் யாரும் வெளியே நடமாட வேண்டாம் என ஒலிபெருக்கி மூலம் வனத்துறையினர் எச்சரிக்கை விடுத்தனர்