போச்சம்பள்ளியில் கார் கவிழ்ந்து விபத்து: ஒருவர் உயிரிழப்பு

விழுப்புரம் மாவட்டம் மேல் மண்டகப்பட்டு கிராமத்தை சேர்ந்தவர் சங்கர். விவசாயி. இவருடையமகன் ராகுல் சென்னையில் உள்ள ஐ.டி. நிறுவனத்தில் ஊழியராக வேலை செய்து வந்தார். ராகுல் தனது நண்பர்கள் சந்தோஷ் ராஜ் , ஜெய் ஆரோக், ஜெயக்குமார் ,

பிரவீன் குமார், ஆகியோ ருடன் காரில் திருப்பத்தூர் மாவட்டம் ஏலகிரி மலைக்கு சென்று விட்டு நேற்று தர்மபுரி மாவட்டம் ஒகேனக்கல்லுக்கு சென்றனர். காரை ஜெய் ஆரோக் ஓட்டி சென்றார். தர்மபுரி மாவட்டம் காரிமங்கலம் போச்சம்பள்ளி சாலையில் பச்சனம்பட்டி என்ற பகுதியில் சென்ற போது கார் நிலைதடுமாறி சாலை யோர பள்ளத்தில் கவிழ்ந்து விபத்துக்கு உள்ளானது.

இதில் காரில் இருந்த 5 பேரும் படுகாயம் அடைந்தனர். இதையடுத்து அருகில் இருந்தவர்கள் அவர்களை மீட்டு ஆம்புலன்ஸ் மூலம் தர்மபுரி அரசு மருத்துவமனைக்கு அனுப்பி வைத்தனர். இதில் ராகுல் செல்லும் வழியில் உயிரிழந்தார்.

படுகாயம் அடைந்த 4 பேருக்கும் தர்மபுரி அரசு மருத்துவ மனையில் சிகிச்சை அளிக்கப்பட்டு வருகிறது. இந்த விபத்து குறித்து காரிமங்கலம் காவல்துறையினர் வழக்குப்பதிவு செய்து விசாரணை நடத்தி வருகின்றனர்.