சின்னசேலம் : மயங்கி விழுந்த முதியவர் பலி

சின்னசேலம் அடுத்த பைத்தந்துறை கிராமத்தை சேர்ந்தவர் முருகேசன்,75; இவர், நேற்று முன்தினம் காலை 10:30 மணி அளவில் மாத்துார் பெட்ரோல் பங்க் அருகே நடந்து சென்ற போது திடீரென மயங்கி கீழே விழுந்துள்ளார். உடன் அருகில் இருந்தவர்கள் அவரை மீட்டு 108 ஆம்புலன்ஸ் மூலம் கள்ளக்குறிச்சி அரசு மருத்துவக்கல்லுாரி மருத்துவமனைக்கு அனுப்பி வைத்தனர். அங்கு முதியவரை பரிசோதித்த டாக்டர்கள் முருகேசன் ஏற்கனவே இறந்து விட்டதாக கூறியுள்ளனர். இது குறித்த புகாரின் பேரில் கச்சிராயபாளையம் போலீசார் வழக்குப் பதிந்து விசாரித்து வருகின்றனர்.