கல்லூரி சுற்றுலா பேருந்து கவிழ்ந்து விபத்து

கடலூர் பகுதியில் அரசு தொழில் நுட்பகல்லூரியில் படித்து வரும் மாணவர்கள் 17 பேர், 2 ஆசிரியர்கள் உள்பட 19 பேர் ஊட்டிக்கு சுற்றுலா சென்று விட்டு திரும்பி வந்தனர். நேற்று காலை 10 மணிக்கு தலைவாசல் அருகே சார்வாய் பகுதியில் சேலம்- சென்னை தேசிய நெடுஞ்சாலையில் டிரைவரின் கட்டுப்பாட்டை இழந்த சுற்றுலா வேன், சாலையோரம் கவிழ்ந்தது.

இதில் கல்லூரி மாணவர்கள் 6 பேர் லேசான காயத்துடன் உயிர் தப்பினர். மேலும் அவர்கள் ஆத்தூர் அரசு மருத்துவமனையில் சேர்ந்து சிகிச்சை பெற்று வருகின்றனர். இதுகுறித்து தலைவாசல் போலீசார் வழக்குப்பதிவு செய்து விசாரணை நடத்தினர்.