ராதிகா சரத்குமாரை நலம் விசாரித்த காங்கிரஸ் வேட்பாளர் மற்றும் அமைச்சர்

விருதுநகர் பாராளுமன்ற தொகுதியில் போட்டியிடும் பாஜக வேட்பாளர் ராதிகா சரத்குமாருக்கு ஆதரவாக பாவடி தோப்பு பகுதியில் இருசக்கர வாகன பேரணி நடைபெற்றது இந்த பேரணியை துவக்கி வைக்க ராதிகா சரத்குமார் அருப்புக்கோட்டை வந்திருந்தார். அப்போது அதே பகுதியில் அருப்புக்கோட்டை நகர் பகுதியில் பிரச்சாரத்தை முடித்துவிட்டு அமைச்சர் கே கே எஸ் எஸ் ஆர் ராமச்சந்திரனும் காங்கிரஸ் வேட்பாளர் மாணிக்கம் விருதுநகர் நோக்கி சென்று கொண்டிருந்தனர். இவர்கள் இருவரும் பாவாடி தோப்பு பகுதியில் நேருக்கு நேர் சந்தித்துக் கொண்டனர். அப்போது அமைச்சர் கே கே எஸ் எஸ் ஆர் ராமச்சந்திரன் காங்கிரஸ் வேட்பாளர் மாணிக்கம் தாகூர் காரில் இருந்து இறங்கி ராதிகா சரத்குமாரிம் நலம் விசாரித்தனர் அதேபோல ராதிகா சரத்குமாரும் அமைச்சரிடம் நலம் விசாரித்தார். எதிரெதிர் கட்சியை சேர்ந்த இருவர் ஒருவரை ஒருவர் மரியாதை நிமித்தமாக சந்தித்து நலம் விசாரித்து இரு கட்சி தொண்டர்களிடையே மகிழ்ச்சியை ஏற்படுத்தியது.