சாலை விபத்தில் கட்டிட தொழிலாளி பலி !

திருவள்ளூர் கனகம்மாசத்திரம் அருகே சாலை தடுப்பின் இரும்பு கம்பியில் மோதியதில் இருசக்கர வாகனத்தில் வந்த கட்டிட தொழிலாளி பலி. திருவள்ளூர் மாவட்டம் கனகம்மாசத்திரம் அருகே உள்ள காவேரிராஜபுரம் கிராமத்தில் இருந்து இராமபுரம் செல்லும் சாலையில் இருச்சக்கர வாகனத்தில் சென்றுக்கொண்டிருந்தவர் நிலை தடுமாறி இரும்பு கம்பியின் மீது மோதியதில் பலத்த காயங்களோடு இரு சக்கர வாகனத்தில் வந்தவர் சம்பவ இடத்திலேயே பலியானார் . பொதுமக்கள் அளித்த தகவலின் பேரில் சம்பவ இடத்திற்கு வந்த கனகம்மாசத்திரம் போலீசார் இறந்தவர் பிரேதத்தை கைப்பற்றி அரசு பொது மருத்துவமனைக்கு பிரேத பரிசோதனைக்கு அனுப்பி வைத்தனர் காவல்துறையினர் விசாரணை மேற்க்கொண்டதில் விபத்தில் இறந்தவர் எல்லப்பா நாயுடு பேட்டை பகுதியை சேர்ந்த கட்டிட தொழிலாளி பாலகிருஷ்ணன் என்பதும் காவேரிராஜபுரம் கிராமத்தில் நடைபெற்ற திருவிழாவிற்கு வந்தவர் வீடு திரும்பும் போது விபத்தில் சிக்கி உயிரிழந்திருப்பது தெரியவந்தது. விபத்து குறித்து வழக்கு பதிவு செய்த கனகம்மாசத்திரம் போலீசார் விரிவான விசாரணை மேற்கொண்டு வருகின்றனர்.