நாட்டுத் துப்பாக்கி, பைக் பறிமுதல் - தப்பியோடிய நபருக்கு போலீசார் வலை

மே1 ம்தேதி அதிகாலை மூன்று மணி அளவில் ஜெயங்கொண்டம் போலீசார் அன்பு ராஜ் ஜெயசீலன் ஆகியோர் தேவனூர் கல்வெட்டு பிள்ளையார் கோவில் அருகில் ரோந்து அலுவலில் இருந்த போது தேவனூரில் இருந்து கிழக்கு நோக்கி அடையாளம் தெரியாத நபர் ஒருவர் நாட்டுத் துப்பாக்கியுடன் நம்பர் இல்லாத இரு சக்கரவாகனத்தில் வந்து கொண்டிருந்தார்.

போலீசார் சந்தேகப்பட்டு வாகனத்தை நிறுத்த சொன்ன போது தனது இருசக்கர வாகனத்தையும் நாட்டு துப்பாக்கியையும் அங்கேயே போட்டுவிட்டு தப்பி ஓடிவிட்டார். நம்பர் இல்லாத இரு சக்கர வாகனத்தையும் நாட்டுத் துப்பாக்கியையும் மற்றும் அதற்கு பயன்படுத்தப்படும் மருந்துப் பொருட்களையும் கைப்பற்றி காவல் நிலையம் கொண்டுவந்து வழக்கு பதிவு செய்து தப்பி ஓடிய மர்ம நபரை ஜெயங்கொண்டம் போலீசார் தேடி வருகின்றனர்.